Кансультацыя на тэму «Свабода рэлігіі і правы рэлігійных меншасцяў»

28 лістапада - 2 снежня ў Стамбуле (Турцыя) адбылася кансультацыя на тэму «Свабода рэлігіі і правы рэлігійных меншасцяў», якая правопаілася пры падтрымцы Камісіі Цэркваў па міжнародных справах Сусветнай Рады Цэркваў (СРЦ), і якую прымаў Усясветны Патрыярхат.

Удзел у мерапрыемстве ўзялі 30 экспертаў па свабодзе рэлігіі і рэлігійных правоў меншасцяў з 23 краінаў свету.

Перад удзельнікамі    выступіў Усясветны Патрыярх Варфаламей І, які адзначыў, што «каб пазбегнуць такіх сітуацый нянавісці неталерантнасці, часткай правоў кожнага чалавека з'яўляецца магчымасць кожнага чалавека верыць, практыкаваць і распаўсюджваць рэлігію на падставе сваёй веры і выбару без усялякіх перашкодаў».

Фундаментальнае права на свабоду веравызнання нярэдка парушаецца дзяржавай ці нават іншымі людзьмі, якія дзейнічаюць як ад свайго імя, так і ў якасці членаў супольнасцяў большасці. Нягледзячы на тое, што міжнароднай супольнасцю і дзяржавамі прадпрымаюцца сур'ёзныя меры, у многіх частках свету рэлігійныя меншасці становяцца ахвярамі дыскрымінацыі, гвалту і пераследу з-за сваіх рэлігійных перакананняў. Эксперты абмеркавалі, да якой ступені свабода рэлігіі ці веравызнання можа лічыцца абсалютным правам у плюралістычных грамадствах, якая ўзаемасувязь гэтага права з іншымі аспектамі правоў чалавека. Таксама былі прааналізаваныя справаздачы з 27 краінаў, звернутая ўвага на прыклады парушэння свабоды рэлігіі і станоўчыя прыклады яе абароны.

Камісія Цэркваў па міжнародных справах была створана ў 1946 г. Міжнароднай місіянерскай радай супольна з падрыхтоўчай групай па стварэнні Сусветнай Рады Цэркваў, і яна зрабіла ўнёсак у фармуляванне 18 артыкула Дэкларацыі правоў чалавека (1948 г.). Працэс     вывучэння свабоды рэлігіі і правоў рэлігійных меншасцяў быў ініцыяваны камісіяй на яе 50-й сустрэчы, якая адбылася ў Албаніі ў 2010 г . На наступнай сустрэчы Камісіі, якая адбудзецца ў чэрвені 2012 г. у КНДР будзе прадстаўлена справаздача па свабодзе веравызнання.

 

Кансультацыя на тэму «Свабода рэлігіі і правы рэлігійных меншасцяў» - «За свабоднае веравызнанне» № 30, кастрычнік - снежань 2011

 

Дапісаць новы камэнтар

CAPTCHA
This question is for testing whether you are a human visitor and to prevent automated spam submissions.
2 + 9 =
Solve this simple math problem and enter the result. E.g. for 1+3, enter 4.