7-я міжнародная канферэнцыя «Праваслаўна-каталіцкі дыялог: хрысціянскія этычныя каштоўнасці як унёсак у сацыяльнае жыццё Еўропы»

Кардынал Курт Кох выступае ў Мінскай Архікатэдры

(с) catholic.by

13-16 лістапада 2011 г. у Мінску прайшла 7-я міжнародная канферэнцыя «Праваслаўна-каталіцкі дыялог: хрысціянскія этычныя каштоўнасці як унёсак у сацыяльнае жыццё Еўропы».

Для ўдзелу ў канферэнцыі Беларусь наведаў высокі каталіцкі іерарх, старшыня папскай рады па спрыянні хрысціянскай еднасці кардынал Курт Кох, а таксама прыёр экуменічнай супольнасці Тэзэ брат Алоіс. Мерапрыемства было арганізавана Інстытутам міжрэлігійнага дыялогу Беларуская Праваслаўнай Царквы Хрысціяскім адукацыйным цэнтрам свв. Кірыла і Мяфодыя.

У шматстайных дакладах, што гучалі на канферэнцыі, адзначалася, што Еўропа пад уплывам постмадэрнай ідэалогіі адыходзіць ад сваіх хрысціянскіх каранёў і Праваслаўнай і Каталіцкай Цэрквам трэба аб'яднацца, каб супольна сведчыць пра хрысціянскія маральныя каштоўнасці.

Падчас канферэнцыі ўздымаліся таксама пытанні сацыяльнай этыкі ў Беларусі. Кардынал Кох на сустрэчы з Празідэнтам Рэспублікі Беларусь выказаў задаволенасць тым, як развіваецца Каталіцкі Касцёл у Беларусі, пры згодзе і з падтрымкай Беларускай Праваслаўнай Царквы і ўладаў краіны. Аднак, выступаючы з гаміліяй на імшы ў Кафедральным касцёле, Ватыканскі іерарх адзначыў неабходнасць існавання справядлівай судовай улады, а таксама звярнуўся да досведу, калі ва ўмовах дыктатуры такой улады бракуе. І хаця іерарх не зрабіў ніякіх рэферэнцый у дачыненні да Рэспублікі Беларусь і апошніх палітычных працэсаў, але незалежныя сродкі масавай інфармацыі звярнулі на гэтыя словы асаблівую ўвагу і праінтэрпрэтавалі іх менавіта ў звязку з сучаснай палітычнай сітуацыяй.

 

7-я міжнародная канферэнцыя «Праваслаўна-каталіцкі дыялог: хрысціянскія этычныя каштоўнасці як унёсак у сацыяльнае жыццё Еўропы» - «За свабоднае веравызнанне» № 30, кастрычнік - снежань 2011

 

Дапісаць новы камэнтар

CAPTCHA
This question is for testing whether you are a human visitor and to prevent automated spam submissions.
2 + 0 =
Solve this simple math problem and enter the result. E.g. for 1+3, enter 4.