Змітра Смыка аштрафавалі за адмову служыць у войску

Cудзьдзя Цэнтральнага раёну Гомеля Рыгор Дзмітрэнка прызнаў вінаватым верніка пратэстанцкай царквы «Сьведкі Яговы» Дзьмітра Смыка ва ўхіленьні ад прызыву ў войска і пакараў яго штрафам у памеры 100 базавых велічыняў (3,5 мільёна рублёў). На такім пакараньні настойваў і дзяржаўны абвінаваўца ў крымінальнай справе супраць верніка — пракурор Цэнтральнага раёну Ігар Купчын.

smyk.jpgПаводле выраку судзьдзі Дзьмітрэнкі, злачынны намер верніка пацьвярджаецца тым, што ў прызначаны час ён сьвядома, без паважлівай прычыны не зьявіўся ў у ваенкамат. Тлумачэньні верніка наконт таго, што супрацоўнікі ваенкамату не ўлічылі ягоныя рэлігійныя перакананьні, судзьдзя прызнаў неабгрунтаванымі. Маўляў, у вайсковай транспартнай частцы ў Жлобіне, куды верніка Смыка меліся прызваць, «у цэлым створаны ўмовы, якія забясьпечваюць павагу рэлігійных перакананьняў ваеннаслужачых».

Дзьмітры Смык лічыць прысуд несправядлівым: «Я зьяўляюся хрышчаным і пасьвечаным сьведкам Яговы з 2006 году. Я стаў сьведкам і толькі пасьля даведаўся пра волю Бога ў стаўленьні да службы ў войску. Я тлумачыў, што не магу нават нейкім чынам быць датычным да ўзброеных сілаў. Справа не ва ўмовах, у якіх я мушу служыць. Справа ў сумленьні, у прынцыпе».

У 2000 годзе у Гомелі быў таксама пакараны па аналягічным абвінавачваньні, а пасьля праз пратэст Вярхоўнага суду апраўданы, сьведка Яговы Аляксандар Бойнічаў. Вырак раённага суду спадар Смык наважаны аспрэчыць, бо не адмаўляўся і не адмаўляецца выканаць свой абавязак перад радзімай — хоча толькі зрабіць гэта на альтэрнатыўнай аснове. Калі не атрымаецца, гатовы нават да зьняволеньня.

Змітра Смыка аштрафавалі за адмову служыць у войску. - «За свабоднае веравызнанне» № 24, жнівень — снежань 2009. - Паводле «Радыё Свабода»

Дапісаць новы камэнтар

CAPTCHA
This question is for testing whether you are a human visitor and to prevent automated spam submissions.
1 + 0 =
Solve this simple math problem and enter the result. E.g. for 1+3, enter 4.