Улады забаранілі ўстаноўку помніка вязням гета

Мастоўскі райвыканкам не дазволіў актывістам руху «За Сабоду» ўсталяваць за свае сродкі ў мястэчку Месяцова Мастоўскага раёна Гарадзенскай вобл. памятную дошку на месцы былога гета.

xolokost.jpg

Старшыня мастоўскага райвыканкама Аляксей Шафарэвіч спаслаўся на тое, што ў Месяцова ўжо ёсць помнік ахвярам гета, а таму «няма неабходнасці ў яшчэ адной памятнай дошцы».

Актывіст руху Аляксандр Зарамбюк растлумачыў, што на існуючым помніку няма надпісу на беларускай мове. «Цяпер памятны знак знаходзіцца абсалютна ў баку ад месца трагедыі. Надпісы на ім зроблены на рускай і габрэйскай мовах, нягледзячы на тое, што жыхары мястэчка размаўлялі і размаўляюць па-беларуску. Таму мы хацелі ўсталяваць новую дошку з надпісамі па-беларуску і па-габрэйску. Цяпер мы рыхтуем новы зварот да старшыні райвыканкама, у якім змесцім гістарычныя факты, пра якія мясцовыя ўлады могуць і не ведаць», — паведаміў актывіст.

Пытанне пра ўсталяванне беларускамоўнай памятнай дошкі непасрэдна на месцы былога гета ўзнікае не першы раз. Яшчэ ў 2004 г. дэпутаты Луненскага сельсавета Валянціна Карпавіч і Аляксандр Пудоўкін узнімалі гэту праблему. І тады мясцовыя ўлады адмовілі дэпутатам ва ўсталяванні помніка.

«За свабоднае веравызнанне» № 22, студзень — сакавік 2009. - «Eўрапейскае радыё для Беларусі»

Дапісаць новы камэнтар

CAPTCHA
This question is for testing whether you are a human visitor and to prevent automated spam submissions.
7 + 3 =
Solve this simple math problem and enter the result. E.g. for 1+3, enter 4.