Створаны праваабарончы цэнтр «Свабода сумлення»

Узначаліў новую грамадскую арганізацыю юрыст Сяргей Луканін. Перад гэтым ён выступаў каардынатарам збору подпісаў пад патрабаваннем аб унясенні зменаў у дзейны Закон «Аб свабодзе сумлення і рэлігійных арганізацыях».

Нагадаем, што кампанія па абароне права на свабоду сумлення праходзіла па ўсёй Беларусі ў красавіку 2007 — лютым 2008. Было сабрана больш за 50 тысяч подпісаў. Гэтыя падпісныя лісты арганізатары накіравалі ў Канстытуцыйны суд, Адміністрацыю прэзідэнта, у Палату прадстаўнікоў Нацыянальнага сходу Рэспублікі Беларусь. Мэта: ініцыяваць унясенне зменаў у беларускае заканадаўства, асобныя палажэнні якога маюць дыскрымінацыйны характар у дачыненні да вернікаў. Улады ў адказ уключылі рэпрэсіўны апарат: у красавіку ініцыятары Кампаніі япіскап Вячаслаў Ганчарэнка, юрыст Сяргей Луканін і палітык Павел Севярынец былі прызнаны вінаватымі ў незаконным зборы подпісаў і аштрафаваны на 1 400 000 беларускіх рублёў (650 долараў ЗША) кожны. Ніякія тлумачэнні «падсудных» і абаронцаў судом да ўвагі не прымаліся. Іх каментар адназначны: «Гэта спробы спыніць грамадскія ініцыятывы для ўнясення зменаў у заканадаўства ў адпаведнасці з нормамі Канстытуцыі і міжнароднага права». Цяпер актывісты маюць намер працягваць сваю працу праз наваствораны праваабарончы цэнтр «Свабода сумлення». Незалежныя юрысты будуць абараняць правы вернікаў, усіх грамадзянаў Беларусі на свабоду веравызнання. Цэнтр будзе дбаць аб прывядзенні заканадаўства ў адпаведнасць з Канстытуцыяй і міжнароднымі пагадненнямі, падпісанымі нашай краінай. Гэтую задачу актывісты Цэнтра плануюць ажыццяўляць і на міжнародным узроўні, у тым ліку праз структуры Еўрасаюза і Кангрэса ЗША. Калі ўлады не дадуць магчымасці зарэгістраваць праваабарончы цэнтр «Свабода сумлення» ў Беларусі, яго актывістамі будуць зроблены высілкі па наданні яму афіцыйнага статусу па-за межамі краіны.

В.Т. Створаны праваабарончы цэнтр «Свабода сумлення» - «За свабоднае веравызнанне» № 19, красавік — май 2008

Дапісаць новы камэнтар

CAPTCHA
This question is for testing whether you are a human visitor and to prevent automated spam submissions.
4 + 2 =
Solve this simple math problem and enter the result. E.g. for 1+3, enter 4.