Святочная сустрэча

Аўтар: 
Татур Вера

Актывісты Грамадзянскай ініцыятывы «За свабоднае веравызнанне» былі запрошаны на сустрэчу ў рэфармацкую баптысцкую царкву «Запавет Хрыста», якая дзейнічае ў Мінску. 26 снежня пасля ранішняй багаслужбы яе вернікі і пастар Георгій Вязоўскі працягвалі святкаванне Божага нараджэння. Іх радасць падзялялі госці, сярод якіх былі і прадстаўнікі іншых пратэстанцкіх цэркваў, абшчыны якіх не былі перарэгістраваны паводле новага Закона «Аб свабодзе веравызнання і рэлігійных арганізацыях». Усе прысутныя разам спявалі традыцыйныя калядныя песні і «Магутны Божа», слухалі інструментальную музыку ў цудоўным выкананні братоў-кальвіністаў.

пастар Георгі Вязоўскі і Ірына Жыхар

Прадстаўнікі Грамадзянскай ініцыятывы «За свабоднае веравызнанне» распавялі пра сваю дзейнасць і яе матывы, пазнаёмілі прысутных з палажэннямі Закона 2002 года, якія супярэчаць Канстытуцыі Рэспублікі Беларусь і падпісаным краінай міжнародным пагадненням, заклікалі вернікаў кіравацца Божымі запаведзямі не толькі ў дачыненнях са сваімі аднадумцамі, але і ўсімі навакольнымі людзьмі, жыць з імі ў міры і згодзе, а ўсе непаразуменні рабіць прадметам адкрытага і сумленнага дыялогу, не спрабуючы паставіць на сваім любым коштам.

Гучыць камерная музыка

Шчырыя, грунтоўныя выступы былі выслуханы з цікавасцю і ўвагай. Найбольш пытанняў задалі прысутныя юрысту Сяргею Шаўцову: у кожнай абшчыне кантакты з чыноўнікамі час ад часу ствараюць праблемы, выклікаюць канфліктныя сітуацыі. З боку Ініцыятывы ў святочнай сустрэчы бралі ўдзел Ірына Жыхар, Таццяна Новікава, Валянціна Трыгубовіч, Якаў Басін, Артур Ліўшыц, Уладзімір Мацкевіч, Сяргей Шаўцоў. Экспанавалася таксама выстава, падрыхтаваная актывістамі Ініцыятывы, якая знаёміла з гісторыяй рэлігійнага жыцця ў Беларусі.

Татур В. Святочная сустрэча - Бюллетэнь "За свабоднае веравызнанне" №6, снежань 2004 - студзень 2005

Дапісаць новы камэнтар

Значэньне поля ня будзе паказанае публічна ні ў якім разе.
CAPTCHA
This question is for testing whether you are a human visitor and to prevent automated spam submissions.
11 + 5 =
Solve this simple math problem and enter the result. E.g. for 1+3, enter 4.